اسئلة جديدية من نصيب دليز

خلال تواجدها في المنتدى,زيد عليه أهمية و فائدة,في وجودها وقار و احترام ,المواضيع التي تضيفها تثمر و تبقى لنا على الدوام بالإضافة الى الكم الهائل من المشاركات فكانت دليز جديرة بأن تكون العضوة الافضل:

1_صف نفسك بكلمتين.

2_من هو اخر شخص تتذكريه قبل ان تنامي

3_هل تمتلكين بشريط ذكرياتك موقف صدمك و لن تنسيه؟

4_ما هو الحلم الذي لا تستطيعين تحقيقه؟

5_القمر,الشمس,والنجوم ايهما تفضلين؟

6_ما هو اول قسم تبدئين بقراءته في المنتدى؟

7_بأي الأدوات تبني المنازل في قلوب الآخرين؟

8_ لو قُدّر وملكت العصا السحرية ليوم واحد .. ما أول تعويذة تلقيها ؟

لي عودة مع بعض الاسئلة الاخرى
و ان شاء الله تعجبكون
و حرام ما تكتروا عليا اسئلة والله حرام ها

بشكرك آنستي فرح على الاستضافة الجميلة
واكيد رح ارجع للآنسة دليز بعد ان تجاوب على اسئلتك الرائعة

شكر تير فرح على المقابلة الحلو
وانتي يا دليز رح يجي دورك لتردي على اسئلتي بس بعد ديلان

مرحباً دليز الغالية
اليكي بعض الاسئلة التي اتمنى ان تكون جميلة وبسيطة
يلا نبلش

1: نريد ان نتعرف متى دليز تبكي
2: متى دليز تشعر بالحزن
3 : هل لدليز هوايات عدا النت
4: اي الكتب تقرأ دليز واكثر كتاب او رواية تعلقت بها دليز
5: ما هو فنان دليز المفضل
6: ماهو الاكلة المفضلة لدى دليز
7: اي الرياضات تعشقها دليز

مرحبا انا كمان رح اسئلك كم سؤال
1: ماذا تدرس دليز
2: كم عمر دليز الحقيقي مو الكذب هههههههه
3: اقرب الاشخاص الى قلب دليز بنت او شب عدا البابا والماما
4: حلم دليز
5: بماذا تقضي اوقات فراغها دليز

: نريد ان نتعرف متى دليز تبكي ؟

انا ببكي لمى بطلب شي وما بيصير متل مابدي بس بكل الاحوال قليل ما بيشوفوني ببكي اذا زعلت كتير بروح بتخبى بغرفتي لبين ما روق ما بعصب فوق راسون
2: متى دليز تشعر بالحزن

هلا في حالات كتيرة بتخلي الواحد يشعر بالحزن ديلان وما بقدر حددلك موقف معين

3 : هل لدليز هوايات عدا النت

انا طالبة ادب فرنسي واذا بلاقي وقت فراغ بحفظ كلامات فرنسية هي بتعبيلي وقتي وبتفيدني كمان

4: اي الكتب تقرأ دليز واكثر كتاب او رواية تعلقت بها دليز

هلا اكتر شي الروايات حلوة عندي بس اكتر كتاب حبيتو هو فوض الحواس

5: ما هو فنان دليز المفضل

فناني عبد القهار وعبد الكريم شيخو وام كلثوم

6: ماهو الاكلة المفضلة لدى دليز

بتعرفني بحب المحاشي ولا بدك تتهرب من العزيمة ؟

7: اي الرياضات تعشقها دليز

اكتر الالعاب اللي بحب اتابعها اكيد كرة القدم والنادي المفضل عندي برشلونة والمنتخب البرتغالي مشان خاطر عيون كريستيانو
وبحب كرة الطائرة انا كنت لاعبة طائرة بالمدرسة ويامة فزنا هههههههه

ديلان بشكرك على اسئلة الحلوة وبتمنى كون جوابت عليها بشكل يحقق هدف اسئلتك
بتمنالك التوفيق

1: ماذا تدرس دليز
ادب فرنسي سنة اولى ما بعرف لسى اذا ترفعت ولا لا

2: كم عمر دليز الحقيقي مو الكذب هههههههه

لا اكيد ما في كذب انا من مواليد 1_1 _1990

3: اقرب الاشخاص الى قلب دليز بنت او شب عدا البابا والماما

رفيقتي دلال

4: حلم دليز

سافر على يونان وشوف اثارها

5: بماذا تقضي اوقات فراغها دليز

تقريبا بيشبه سؤال ديلان مرات بدرس فرنسي واكيد بتابع التلفزيون واكيد بقعد عالكمبيوتر حتى ولو ما فتحت النت

اسئلة حلوة ولطيفة استاذي بتمنالك التوفيق منور الصفحة بافي دارا

سباس عزيزتي

دليز


كل التوفيق ارجوه لكِ




angelll

مرحبا اختي دليز الغالية
1- نصيحتك لا الجيل الصاعد
2- كيف تحاربين وتستفيد من وقتك
لي عودة انشالله

انا ما رح اسال بس بدي خبركون شغلة حلوة عن دليز
دليز لما بتعصب لاخر درجة بتضحك بصوت عالي وبنفس الوقت بينزلو دموعها فبتصير كتير حلوة

1- نصيحتك لا الجيل الصاعد

مع اني مو كتير كبيرة وبعتبر من الجيل الصاعد بس بقول لهاد الجيل انو
الدراسة ثم الدراسة ثم الدراسة انا هلا لمى بشوف شباب او بنات اصغر مني تركو المدرسة بالتاسع او اكتر بجي لجن كيف بيتركو دراستون
انا مشان هاد الشي بنصحهم انو ابدا ما يتهاونو بالدراسة هو سلاح كتير قوي رح يكون بأيدون

2- كيف تحاربين وتستفيد من وقتك

بصراحة ما بحارب وما بعرف اذا انا عم اعمل شي مشان ما يروح وقتي هيك
حاسة حالي عم اهدر الوقت

شكرا لتواجد بالصفحة يا ادارة واكيد برحب بالاسئلة الجاية

هلا يا دليز رح تجاوبي على اسئلتي بس رح تكون اسئلة حلو كتير وهاي رح نبلش
دليز من هو اعز صديق تعرفتي عليه وحبيتيه كتير طبعا على النيت؟
- هل تؤمنين بالحب؟
- دليز هاد سؤالي يلي محيرني ليش الي مخليكي تحبي ام كلثوم؟
- هل حسيتي بالحب شي يوم؟

دليز من هو اعز صديق تعرفتي عليه وحبيتيه كتير طبعا على النيت؟

اي شو هالسؤال المحرج ههههههه
بصراحة لافا انا تعرفت على رفقات كتار عالنت بس اكتر واحد يعني تعلقت فيه ومن زمان بعرفوا هو ديلان وريوي

- هل تؤمنين بالحب؟

انا اللي بؤمن بالحب لافا


- دليز هاد سؤالي يلي محيرني ليش الي مخليكي تحبي ام كلثوم؟

لا تحتاري ولا على بالك انا بحب ام كلثوم بشكل غير طبيعي لاني بؤمن بالحب ........
بكل بساطة هاد السبب
وانتي اذا سمعتيلها غنية من الاول للاخر بكل غنية بتحسي حالك انت البطلة فيها............... اغانيها وصوتها وكل شي فيها بيعجبني


- هل حسيتي بالحب شي يوم؟
طبعا فمثلا نا بحبك وبحب افين ودلال وانجل وديلان والكل هههههههههههه

اهليييييييييين لافا نورتي عيوني اي شو هالاسئلة السلسة هااااااا كتير حلوة

مرحباً دليز الغالي
لي بعض الاسئلة لكي اتمنى ان تجيبيني بصراحة
1: ما هو عمركِ لانوا بيبين عليكي انوا انتي انسانة مثقفة جداً ؟
2: ما هو لون شعركي ؟ هههههههه انا عم اتدخل بالخصوصيات
لكن كلمة فراشة المنتدة تعني لي الكثير
فراشة المنتدى ما هو طموحكِ المستقبلي

اتمنى ان تكون اسئلتي لكي مرضية

حامد بافي صور كل

انا عمري 19 سنة والله الحقيقي

شعري اسوووووووووود غامق مو صبغة ها

طموحي اكيد خلص جامعتي قسم اللغة الفرنسية وما بخفيك حابة سافر على يونان

يمكن انا اتأخرت بالاجوبة بس هاي اول مرة بشوف فيها اسئلتك

واما انو كلمة فراشة المنتدى بتعنيلك الكتير فهاد شرف كتير كبير الي

وبتشكر تواجدك بصفحتي نورتها والله

اهلا دليز
اي المناظر تحبين اكثر ::
1) شروق الشمس
2) غروب الشمس
3) هطول المطر
4) تساقط الثلوج

تحياتي لك

هطول المطر دراكولا بيعنيلي كتيييييييييييييييييييييييير

وبحب منظر المطر كتير وخاصة لمى بيكون خفيف وناعم

ومن ورا هاد الشي بحب غنية شيدا هاي اللي بتقول

gava baran dbare je biramen te nare

سؤال حلووووووووووووووو كتير دراكولا بتشكرك تواجدك بالصفة نورت

أما بيشرفني و بيسرني تواجد ناس ناضجين هون بالمنتدى رغم انو هنن بمقتبل العمر ,
دليز عندي كم سؤال و الك حرية الاجابة او الامتناع :
شو رايك بالموسيقى الكردية و مين هنن اللي بتسمعيهون ( غير شيدا طبعا )
شو هو دور اللغة في تربية الاطفال داخل الاسرة الكردية (انعكاساتها على حياة الطفل )
اما الاسئلة الباقية اللي بذهني فانا حصلت على الاجابات منك سلفا من خلال ردودك الجميلة ....
بتمنالك التوفيق دليز و الله يثبت خطاكي
أخوكي ييراز

اكيد اللي الشرف اني رد على اسألتك فيك تقول كنت عم استناهون

شو رايك بالموسيقى الكردية و مين هنن اللي بتسمعيهون ( غير شيدا طبعا )
الموسيقا الحمد لله عنا لساتها بخير وعال العال ولسى ما صارفيها متل ما صار بغيرها
يعني اخي عنا فنانين اصواتون بتجنن وعنا شعر وكلام لا يعلى عليه بس الشي اللي خايفو منو انو بهاي الفترة في كتار فنانين عم يطلعو بدون ما يعرفوا شي عن الغناء والفن وبيسمو حالون فنانين
بس انو بشكل عام الموسيقا الكردية ناجحة كتير بدليل انو عنا ناس ما بتفهم بالكلام الكردي بس بتتأثر بالموسيقا وهاد الشي حلو كتير
انا ما عندي فنان كردي معين اسمعلو يعني حسب الغنية اذا كانت حلوة ولا لا
بس عربي عندي ام كلثوم ما حدا بياخد مكانها بقلبي
شو هو دور اللغة في تربية الاطفال داخل الاسرة الكردية (انعكاساتها على حياة الطفل )
هلا اكيد انت عبتقصد اللغة الكردية اكيد طبعا انت لمى بتحكي بأي لغة ببتك ولادك رح يحكو متلك
بس المصيبة الكبيرة اللي عبتواجهنا انو 50% من حكينا الكردي فيو حكي عربي
وهاي مشكلة كتير كبيرة
انا مرات بسمع كلمة كردية بستغرب اول شي بفكرها كلمة اجنبة
اما عن انعكاساتها على حياة الطفل فهي كمان كبيرة يعني تصور اذا لغتك مشوهة تفكيرك عن قوميتك كلهو بختلف
ما نحن بنعرف انو اللغة اساس بناء الحضارة والشعوب, اكيد اذا كانت عنا مدارس لتعليم لغتنا حالنا ما كان رح يكون هيك
مو بس المدارس لو كان في اهتمام صغير من الاسرة بهاد الشي كان الوضع مختلف شوي
يعني اذا دورت بـ50بيت كردي ما بتلاقي كتابين مكتوبين بالكردي حتى الاحرف الكردية ما كنا رح نعرف نكتبم لولا انها لا تينية
زحمة افكار كتير كبيرة براسي حول هالموضوع اللي ما بتكفي صفحات لافرغها

شكرا كتير على هالاسئلة الحلوة عن جد انبسطت بالاجابة عليها